Ezkio ibaian Ezkio-Itsaso-Ormaiztegiko kolektoreek, Estanda ibaian Ormaiztegi-Beasaingo kolektoreek, Oria ibaian Segura-Idiazabal-Beasaingo kolektoreek, Oria ibaian Beasain-Ordizia-Itsasondoko kolektoreek, Agaunza ibaian Ataun-Lazkao-Ordiziako kolektoreek, Amundarain ibaian Zaldibia-Ordiziako kolektoreek, Oria ibaian Itsasondoko HUAk* eta Legorretako HUAk* osatzen dute sistema.

KOLEKTOREAK

Ezkio ibaira isuritako hondakin-urak biltzen dituen kolektorea hormigoi armatuzkoa da. 500 mm-ko gehieneko diametroa du eta 12 km-ko luzera gutxi gorabehera. Agaunza ibaira isuritako hondakin-urak biltzen dituen kolektorea hormigoi armatuzkoa da. 600 mm-ko gehieneko diametroa du eta 6 km-ko luzera gutxi gorabehera. Amundarain ibaira isuritako hondakin-urak biltzen dituen kolektorea hormigoi armatuzkoa da. 500 mm-ko gehieneko diametroa du eta 4 km-ko luzera gutxi gorabehera. Oria ibaira isuritako hondakin-urak biltzen dituen kolektorea hormigoi armatuzkoa da. 1.200 mm-ko gehieneko diametroa du eta 14 km-ko luzera gutxi gorabehera, 1.000 l/s-ko gehieneko garraio-ahalmenarekin. Sistemak gainezkabideak ditu.

LEGORRETAKO HUA*

Legorretako Hondakin Uren Araztegiaren diseinua lokatz aktiboen motakoa da eta bi etapa ditu, nitrogenoaren ezabapen biologikoarekin. Karga kutsatzailea 60.000 bizt./baliok.koa du, aurretratamendurako gehieneko ahalmena 900 l/s-koa eta tratamendu biologikoarena 365 l/s-koa. Orain artean egindako inbertsioa (kolektoreak+HUA*) 1.500 milioi pezetakoa da eta 5.000 milioikoa dago egiteko (kolektoreak+HUA).

*(Hondakin Uren Araztegi)