instalazioetara bisitak  

Tolosaldeko hornidura-sistema gaur egun eraikitzen ari diren Ibiurko (Ikaztegieta-Baliarrain-Orandain) urtegiak eta Edateko Uraren Araztegiak osatuko dute.



Sistemak edateko ura hornituko du Belauntza, Irura, Anoeta, Billabona, Asteasu, Zizurkil, Hernialde eta Andoainen. Herri horiek 55.000 biztanle biltzen dituzte guztira.
 

IBIURKO URTEGIA

Ibiurko urtegia hormigoi konbentzionalezkoa izango da. Ura biltzeko edukiera 6.500.000 m³-koa izango du, 70 m-ko altuera, 500 l/s inguruko erregulazio-ahalmena eta 25 m²-ko isurketa-arroa.

IBIURKO EUA*

Ibiurko Edateko Uraren Araztegian, urtegitik etorriko den ura edangarri bihurtuko da. 450 l/s-ko tratamendu-ahalmena izango du eta urtero eskualdeko herrietan 6.000.000.000 litro banatuko ditu gutxi gorabehera. EUAn* urak jasoko duen tratamendua ondoko prozesu hauek osatuko dute: aurretiko ozonizazioa, erreaktiboak nahasteko kamera, dekantazioa, tarteko ozonizazioa, iragazketa, fluorazioa eta desinfekzioa. Guztira egin beharreko inbertsioa (urtegia+EUA*+deposituak) 8.000 milioi pezeta (48.000.000 euro) ingurukoa da guztira.

Amezketa, Lizartza, Orexa, Berrobi, Eldua, Berastegi, Elduaien eta Larraulgo EUA* txikiekin osatuko da sistema. Araztegi horiek dagozkien herrietan hornitzen dute edateko ura eta 5 eta 20 l/s bitarteko tratamendu-ahalmena dute.

*(Edateko Uraren Araztegi)