instalazioetara bisitak  

Urola Erdialdea/Behereko hornidura-sistema Ibai-Ederko (Azpeitia) urtegiak eta Edateko Uraren Araztegiak osatzen dute.



Sistemak edateko ura hornitzen du Azkoitia, Azpeitia, Zestoa, Zumaia, Getaria, Zarautz eta Orion. Herri horiek 58.000 biztanle biltzen dituzte guztira.
 

IBAI-EDERKO URTEGIA

Ibai-Ederko urtegia harri-lubeta motakoa da, hormigoizko pantailaduna. Ura biltzeko edukiera 11.300.000 m³-koa du, 66 m-ko altuera, 700 l/s inguruko erregulazio-ahalmena eta 29 m²-ko isurketa-arroa.

IBAI-EDERKO EUA*


Ibai-Ederko Edateko Uraren Araztegian, urtegitik datorren ura edangarri bihurtzen da. 550 l/s-ko tratamendu-ahalmena du eta urtero eskualdeko herrietan 7.000.000.000 litro banatzen ditu gutxi gorabehera. EUAn* urak jasotzen duen tratamendua ondoko prozesu hauek osatzen dute: aurretiko ozonizazioa, erreaktiboak nahasteko kamera, dekantazioa, tarteko ozonizazioa, iragazketa, fluorazioa eta desinfekzioa.

Orain artean egindako inbertsioa (urtegia+EUA*+deposituak) 6.000 milioi pezetakoa (36.000.000 euro) da gutxi gora behera.
Sistema Bidegoiango EUArekin* osatzen da. Araztegi horrek edateko ura hornitzen du herrian eta 10 l/s-ko tratamendu-ahalmena du.

*(Edateko Uraren Araztegi)