instalazioetara bisitak  

Deba Erdialdeko/Behereko hornidura-sistema Eibarren ura hornitzen duen Aixola urtegiak, lurpeko iturriek eta putzuek eta Kilimongo (Mendaro) Edateko Uraren Araztegiak osatzen dute.


Kilimongo hornidura-sistemak edateko ura hornitzen du Mendaron, Elgoibarren, Deban eta Mutrikun. Herri horiek 23.000 biztanle biltzen dituzte guztira.
 

AIXOLAKO URTEGIA

Aixolako urtegia harri-lubeta motakoa da, hormigoizko pantailaduna. Ura biltzeko edukiera 2.350.000 m³-koa du. 40 m-ko altuera dauka, 160 l/s inguruko erregulazio-ahalmena eta 6 m²-ko isurketa-arroa.

KILIMONGO EUA*

Kilimongo Edateko Uraren Araztegian, iturrietatik eta putzuetatik datorren ura edangarri bihurtzen da. 120 l/s-ko tratamendu-ahalmena du eta urtero eskualdeko herrietan 2.000.000.000 litro banatzen ditu gutxi gorabehera. EUAn* urak jasotzen duen tratamendua ondoko prozesu hauek osatzen dute: erreaktiboak nahasteko kamera, flotazioa, iragazketa eta desinfekzioa. Sistemari laguntzeko, Goikoetxeko (Deba) EUA* dago, 40 l/s-ko tratamendu-ahalmenekoa.

Orain artean egindako inbertsioa (urtegia+EUA*+deposituak) 4.000 milioi pezeta (24.000.000 euro) ingurukoa da guztira.

*(Edateko Uraren Araztegi)