Gipuzkoako Ur Kontsortzioa <:::> Consorcio de Aguas de Gipuzkoa

Urola Garaiko hornidura-sistema Barrendiolako (Legazpi) urtegiak eta Edateko Uraren Araztegiak osatzen dute.

Sistemak edateko ura hornitzen du Legazpin, Urretxun, Zumarragan eta Ezkio-Itsason. Herri horiek 28.000 biztanle biltzen dituzte guztira.

BARRENDIOLAKO URTEGIA

Barrendiolako urtegia harri-lubeta motakoa da, hormigoizko pantailaduna. Ura biltzeko edukiera 1.500.000 m³-koa du.

48 m-ko altuera dauka, 130 l/s inguruko erregulazio-ahalmena eta 10 m²-ko isurketa-arroa.

BARRENDIOLAKO EUA*

Barrendiolako Edateko Uraren Araztegian, urtegitik datorren ura edangarri bihurtzen da. 135 l/s-ko tratamendu-ahalmena du eta urtero eskualdeko herrietan 2.400.000.000 litro banatzen ditu gutxi gorabehera. EUAn* urak jasotzen duen tratamendua ondoko prozesu hauek osatzen dute: aurretiko ozonizazioa, erreaktiboak nahasteko kamera, dekantazioa, tarteko ozonizazioa, iragazketa eta desinfekzioa.

Orain artean egindako inbertsioa (urtegia+EUA*+deposituak) 3.000 milioi pezetakoa da (18.000.000 euro).

*(Edateko Uraren Araztegi)